في عام 1905 المكان تبسة تولد فقيه الحضارة الأستاذ مالك بن نبي بعد ما كمل التعليم الابتدائي راح لقسنطينة باش يقرا و تأثر بزاف بأمو الي خدمت في الخياطة و حتى باعت بعض أثاث البيت باش تعلم أولادها ....
في هذه الفترة بدأ الوعي تاع مالك بن نبي يتكون خاصة لانو بدات في المدينة حركة إسلامية بقيادة الإمام عبد الحميد بن باديس كان هدفها تحرير عقول الجزائريين وتغيير نفسياتهم و تخمامهم و اللي اعتبرها ابن نبي منبعد هي *بداية معجزة البعث* .......
وفي 1930، غادر بن نبي الجزائر إلى باريس باش يكمل قرايتو و تخرج فيها مهندس في الهندسة الكهربائية سنة 1935. وبعد فترة في باريس هدى ربي على يديه طفلة فرنساوية للإسلام و بدلت اسمها ولات خديجة وكان لكل واحد منهم أثر مليح على الاخر. سبة تعارفهم كانت صدفة في مكتبة للمطالعة بباريس نحكوها خاطر قصة باهية و مختلفة ....كان كلما يحوس على كتاب يقولولو كاينة وحدة اداتو ، وكلما طلبت هيّ كتاب تلقاه هو لي داه . وكل واحد حاب يعرف شكون الثاني اللي يحسه منسجم معاه حتى قبل ما يلتقي بيه و كانت قصة تعارف حب، ثم زواج حتى ماتو الثنبن في نفس العام بعد عشرة دامت ربعين سنة.
في باريس بن نبي قدر يشوف مليح وين راه بالضبط المشكل اللي عندنا في دزاير و عند المسلمين و ثما لي زاد النشاط تاعو الفكري... هاذ التجربة العميقة العنيفة في نفس الوقت مع كل أبعادها الروحية الفكرية الاجتماعية خلات بن نبي يولي متيقين بلي الإسلام بالعقيدة تاعو الصحيحة و الفكر تاعو المنفتح على العقل منذ اول اية «اقرأ» و روحو الاجتماعية اللي اساسها هو مساواة، تضامن، أخُوّة ..يقدر يواجه الحضارة الغربية، وينتصر عليها، ولكن المشكلة هي في المسلمين و بعد ما لقينا المرض نقدرو نلقاو الدوا كان هو أول قدر يحدّد أبعاد المشكلة. مالك بن نبي قدر يدير نقلة نوعية في الفكر الإسلامي الحديث بكتب كيما " مشكلات الحضارة" و كتاب شروط النهضة و و و ....
مالك بن نبي كان عندو فكرة محورية هي أن نهضة أي مجتمع تكون في نفس الظروف الي شهدت ميلاد هاذ المحتمع ، يعني باش نبنو مجتمع مسلم حديث لا بد ننطلقو من الفكرة الدينية كأساس لهذا كانت الآية الكريمة: {إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ} [الرعد: 11]، نقطة مهمة في منظومته الفكرية
مالك بن نبي نابغة داهية مفكر مبدع ..مخ جزائري بمعنى الكلمة... مالك بن نبي اجتماعي من الدرجة الاولى و الكتب تاعو يقروا عليهم في اكبر الجامعات العالمية.. لكن مخابرات الفكر تتبع منظومة الأفكار في العالم الإسلامي وتميز مليح الجليل من الحقير والصحيحة من المريضة، هذه المنظمات يعرفو مليح القيمة تاع أفكار مالك بن نبي و يعرفو بلي هو اكثر واحد فهم أساليبهم، وأهدافهم و عليها يخدمو بكل الطرق كيفاش يبعدوا أفكارو على المجتمعات الإسلامية.. .... كيما كان يقول دايما * " إنَّ هناك خبراء في الصراع الفكري أخصائيون في تحطيم الأفكار، تماماً مثل أخصائيي الذرة المختصون بتحطيم نواة الذرة..." مالك بن نبي صاحب مفهوم القابلية للاستعمار في الجزاير قليل لي يعرفو .....
لما هذا التغييب على شخصية وطنية و مكسب للامة ؟؟ ربما لاننا شعب فوور و متحلبين و ربحنا الالمان و صدقت فينا الستراتيجية الثامنة من استراتيجيات التحكم في الشعوب لنعوم تشومسكي لي يقول فيها باش تتحكم في شعبك لازم تشجعهم علي استحسان الرداءة يجب تشجيع الشعب علي أن يجد أنه من (الرائع)أن يكون غبياً، همجياً وجاهلاً
#DZCULT
في هذه الفترة بدأ الوعي تاع مالك بن نبي يتكون خاصة لانو بدات في المدينة حركة إسلامية بقيادة الإمام عبد الحميد بن باديس كان هدفها تحرير عقول الجزائريين وتغيير نفسياتهم و تخمامهم و اللي اعتبرها ابن نبي منبعد هي *بداية معجزة البعث* .......
وفي 1930، غادر بن نبي الجزائر إلى باريس باش يكمل قرايتو و تخرج فيها مهندس في الهندسة الكهربائية سنة 1935. وبعد فترة في باريس هدى ربي على يديه طفلة فرنساوية للإسلام و بدلت اسمها ولات خديجة وكان لكل واحد منهم أثر مليح على الاخر. سبة تعارفهم كانت صدفة في مكتبة للمطالعة بباريس نحكوها خاطر قصة باهية و مختلفة ....كان كلما يحوس على كتاب يقولولو كاينة وحدة اداتو ، وكلما طلبت هيّ كتاب تلقاه هو لي داه . وكل واحد حاب يعرف شكون الثاني اللي يحسه منسجم معاه حتى قبل ما يلتقي بيه و كانت قصة تعارف حب، ثم زواج حتى ماتو الثنبن في نفس العام بعد عشرة دامت ربعين سنة.
في باريس بن نبي قدر يشوف مليح وين راه بالضبط المشكل اللي عندنا في دزاير و عند المسلمين و ثما لي زاد النشاط تاعو الفكري... هاذ التجربة العميقة العنيفة في نفس الوقت مع كل أبعادها الروحية الفكرية الاجتماعية خلات بن نبي يولي متيقين بلي الإسلام بالعقيدة تاعو الصحيحة و الفكر تاعو المنفتح على العقل منذ اول اية «اقرأ» و روحو الاجتماعية اللي اساسها هو مساواة، تضامن، أخُوّة ..يقدر يواجه الحضارة الغربية، وينتصر عليها، ولكن المشكلة هي في المسلمين و بعد ما لقينا المرض نقدرو نلقاو الدوا كان هو أول قدر يحدّد أبعاد المشكلة. مالك بن نبي قدر يدير نقلة نوعية في الفكر الإسلامي الحديث بكتب كيما " مشكلات الحضارة" و كتاب شروط النهضة و و و ....
مالك بن نبي كان عندو فكرة محورية هي أن نهضة أي مجتمع تكون في نفس الظروف الي شهدت ميلاد هاذ المحتمع ، يعني باش نبنو مجتمع مسلم حديث لا بد ننطلقو من الفكرة الدينية كأساس لهذا كانت الآية الكريمة: {إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ} [الرعد: 11]، نقطة مهمة في منظومته الفكرية
مالك بن نبي نابغة داهية مفكر مبدع ..مخ جزائري بمعنى الكلمة... مالك بن نبي اجتماعي من الدرجة الاولى و الكتب تاعو يقروا عليهم في اكبر الجامعات العالمية.. لكن مخابرات الفكر تتبع منظومة الأفكار في العالم الإسلامي وتميز مليح الجليل من الحقير والصحيحة من المريضة، هذه المنظمات يعرفو مليح القيمة تاع أفكار مالك بن نبي و يعرفو بلي هو اكثر واحد فهم أساليبهم، وأهدافهم و عليها يخدمو بكل الطرق كيفاش يبعدوا أفكارو على المجتمعات الإسلامية.. .... كيما كان يقول دايما * " إنَّ هناك خبراء في الصراع الفكري أخصائيون في تحطيم الأفكار، تماماً مثل أخصائيي الذرة المختصون بتحطيم نواة الذرة..." مالك بن نبي صاحب مفهوم القابلية للاستعمار في الجزاير قليل لي يعرفو .....
لما هذا التغييب على شخصية وطنية و مكسب للامة ؟؟ ربما لاننا شعب فوور و متحلبين و ربحنا الالمان و صدقت فينا الستراتيجية الثامنة من استراتيجيات التحكم في الشعوب لنعوم تشومسكي لي يقول فيها باش تتحكم في شعبك لازم تشجعهم علي استحسان الرداءة يجب تشجيع الشعب علي أن يجد أنه من (الرائع)أن يكون غبياً، همجياً وجاهلاً
#DZCULT
Aucun commentaire:
Enregistrer un commentaire